Түркістан қаласында күзгі энзоотиялық іс-шаралар жоспарға сәйкес қарқынды жүргізілуде. Ауыл шаруашылығы жануарлары арасында кездесетін паразиттік аурулардың алдын алу мақсатында залалсыздандыру және профилактикалық жұмыстар атқарылуда.

Аталған жұмыстардың орындалу барысын Түркістан облысының «Ветеринариялық қызмет» ШЖҚ МКК паразитолог маманы У.Бектибаев арнайы бақылап, әдістемелік көмек көрсетті.

Мал саулығы – ел саулығы. Ветеринариялық қауіпсіздікті қамтамасыз ету жолындағы жұмыстар өз жалғасын табады.

Түлкібас ауданында 2026 жылдың екінші күзгі энзоотиялық іс-шаралары басталып, қарқынды түрде жүргізілуде.

Аталған жұмыстардың негізгі мақсаты – ауыл шаруашылығы жануарлары арасында жұқпалы аурулардың алдын алу, эпизоотиялық ахуалдың тұрақтылығын қамтамасыз ету және ветеринариялық қауіпсіздікті сақтау.

Қазіргі таңда ветеринария саласының мамандары бекітілген жоспарға сәйкес ауылдық округтерде тиісті ветеринариялық-профилактикалық іс-шараларды сапалы әрі уақтылы атқаруда. Энзоотиялық жұмыстар жануарлардың денсаулығын қорғауға және аудан тұрғындарының әл-ауқатын арттыруға бағытталған.

Түлкібас ауданында ветеринариялық қауіпсіздікті қамтамасыз ету мақсатындағы жұмыстар өз жалғасын табатын болады.